ថ្ងៃពុធ ៨កើត ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៦ ខែសីហា ឆ្នាំ២០២០ លោក ញ៉ែម វណ្ណា មន្រ្តីខណ្ឌរដ្ឋបាលជលផលកំពង់សោម បានសហការជាមួយអង្គការសត្វព្រៃ និងរុក្ខជាតិអន្តរជាតិ ប្រចាំកម្ពុជាដោយមានការចូលរួមពីអាជ្ញាធរមូលដ្ឋាន បានចុះបោះផ្ទាំងប៉ានណូផ្សព្វផ្សាយស្ថានភាព ការអភិរក្សអណ្តើកសមុទ្រកម្ពុជា នៅស្រុកស្ទឹងហាវ ខេត្តព្រះសីហនុចំនួន៤ ផ្ទាំង ក្នុងនោះនៅឃុំកំពេញ ១ផ្ទាំង ឃុំទំនប់រលក ១ផ្ទាំង និងឃុំកែវផុស ២ផ្ទាំង ក្នុងគោលបំណង ការពារប្រភេទធនធានជលផលសត្វកំពុងរងគ្រោះស្របតាម អនុក្រឹត្យលេខ១២៣ អន.ក្រ និងពង្រឹងការយល់ដឹងដល់ប្រជានេសាទមូលដ្ឋានក្នុងស្រុកស្ទឹងហាវ បានយល់ដឹងចូលរួមធ្វើការការពារ និងអភិរក្សអណ្តើកសមុទ្រកម្ពុជាយើង។