ថ្ងៃអង្គារ ១៥កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៤ ខែសីហា ឆ្នាំ២០២០ មន្ត្រីជំនាញជលផលកំពង់សោម និងមន្ត្រីផ្សព្វផ្សាយឃុំបឹងតាព្រហ្ម បានចុះពិនិត្យការចិញ្ចឹមត្រីរបស់កសិករ លី ម៉ាត់សុះ រស់នៅឃុំបឹងតាព្រហ្ម ស្រុកព្រៃនប់ ចិញ្ចឹមត្រីក្រាញ់ មានបញ្ហាជំងឺកាលពីថ្ងៃទី៣១ ខែកក្កដា ឆ្នាំ២០២០ ពិនិត្យឃើញថាត្រីរបស់គាត់បានជាសះស្បើយហើយ។ គាត់ពិតជាមានអារម្មណ៍រីករាយសប្បាយចិត្ត ដោយបានថ្លែងអំណរគុណដល់ មន្ត្រីជំនាញជលផល និងមន្ទីរកសិកម្មដែលចិត្តទុកដាក់លើការចិញ្ចឹមត្រីរបស់គាត់។ ដោយឡែកនៅ៣គ្រួសារទៀតដែលមិនទាន់ជាសះស្បើយ មន្ត្រីជំនាញនៅតែបន្តតាមដានបន្តទៀត។