ថ្ងៃពុធ ៩កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៩ ខែកក្កដា ឆ្នាំ២០២០ លោក នេន ចំរើន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ បានដឹកនាំលោកអនុប្រធានមន្ទីរចំនួន ០១រូប និងមន្ត្រីចំនួន ០៤រូប រួមទាំងទីបឹក្សាកម្មវិធី Aspire ចំនួន ០៣រូប ដើម្បីចុះជួបប្រធានបណ្ដុំអាជីវកម្មបកក្ដាម នៅក្នុងឃុំទឹកថ្លា ស្រុកព្រៃនប់ ខេត្ដព្រះសីហនុ ដោយលោកប្រធានបានសំណេះសំណាលជាមួយប្រធានក្រុម និងសមាជិកក្នុងបណ្ដុំអាជីវកម្មអំពីបញ្ហាផ្សេងៗ និងជួយរកដំណោះស្រាយដែលបានកើតឡើងនៅក្នុងរបរអាជីវកម្មបកក្តាមរបស់ពួកគាត់។