ថ្ងៃពុធ ១២រោច ខែជេស្ឋ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៧ ខែមិថុនា ឆ្នាំ២០២០ លោក កឹម អាន នាយរងខណ្ឌរដ្ឋបាលជលផលកំពង់សោម បានដឹកនាំមន្ត្រីជំនាញដើម្បីចុះពិនិត្យ ការធ្វើវារីវប្បកម្ម បង្គា របស់ក្រុមហ៊ុន រតនៈសម្បត្តិ មានទីតាំង ភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ ដែលមានដីទំហំ ២.០៧ហិកតា ដែលនិយាមកា N 10.44'10.86502"(Lat ) E 103.42'369602"(Long )។ សូមបញ្ជាក់ថា កន្លែងធ្វើវារីវប្បកម្ម មានអាងចិញ្ចឹមត្រីចំនួន៥ ដែលអាងនីមួយៗ មានទំហំ ២០០ម៉ែត្រគីប និងស្រះទឹកស្អាតចំនួន១ ទំហំ ១២៣២ ម៉ែត្រការ៉េ ដោយបានដាក់កូនបង្គាចិញ្ចឹម ចំនួន ៦០ ០០០កូន ដែលកូនបង្គាទាំងនេះទិញមកពី ប្រទេសថៃ។