ថ្ងៃសុក្រ ៧រោច ខែជេស្ឋ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១២ ខែឧសភា ឆ្នាំ២០២០ ខណ្ឌរដ្ឋបាលជលផលកំពង់សោម បានចុះសហការជាមួយកម្លាំងបញ្ជារឯកភាពរដ្ឋបាលស្រុកព្រៃនប់ដឹកនាំដោយលោក ព្រំ មុន្នី នាយករងរដ្ឋបាលស្រុកព្រៃនប់ ចុះរុះរើសំណង់អនាធិបតេយ្យ ដែលបានសាងសង់ក្នុងដែននេសាទ និងព្រៃកោងកាង ស្ថិតនៅចំណុចបឹងកង្កែប ភូមិអុង ឃុំរាម ស្រុកព្រៃនប់ ខេត្តព្រះសីហនុ។ ជាលទ្ធផល៖ ១/ផ្ទះសាងសង់រួចទំហំ ៦មx៧ម ជញ្ជាំងឈើប្រក់ស័ង្កសីចំនួន ០១ខ្នង និងជញ្ជាំងស័ង្កសី ប្រក់ស័ង្កសីចំនួន ០១ខ្នង។ ២/គ្រោងឈើទំហំ ៤មx៦ម ចំនួន ០៥ខ្នង។ ៣/រោងបាយទំហំ ៣មx៣ម ជញ្ជាំងឈើប្រក់ស័ង្កសីចំនួន ០១ខ្នង។