ថ្ងៃពុធ ១កើត ខែពិសាខ ឆ្នាំជូត ទោស័ក ព.ស.២៥៦៣ ត្រូវនឹងថ្ងៃទី២២ ខែមេសា ឆ្នាំ២០២០ លោកស្រី ហែម ផល្លា ប្រធានការិយាល័យផលិតកម្ម និងបសុព្យាបាល បានចូលរួមកិច្ច ប្រជុំសមញ្ញគណៈកម្មាធិការពិគ្រោះយោបល់ កិច្ចការស្រ្តី និងកុមារ ប្រចាំខែមេសា ឆ្នាំ២០២០ ក្រោមអធិបតីភាព លោកជំទាវ ប្រាក់ ច័ន្ទសុខា ជាប្រធាន គ.ក.ស.ក ខេត្តព្រះសីហនុ។ ជាលទ្ធផល អង្គប្រជុំបានសង្កត់ធ្ងន់ទៅលើ វិធានការទប់ស្កាត់ជំងឺកូវីដ-១៩ លើស្ត្រី និងកុមារ តាមបណ្តា ឃុំ ស្រុក ក្នុងខេត្តទាំងមូល។ សមាសភាពចូលរួមមានមន្ទីរសង្គមកិច្ច មន្ទីរសុខាភិបាល មន្ទីរអភិវឌ្ឍន៍ជនបទ មន្ទីរអប់រំ មន្ទីរការងារ មន្ទីរកិច្ចការនារី មន្ទីរទេសចរណ៍ និងស្នងការខេត្ត។