ថ្ងៃពុធ ២កើត ខែចេត្រ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៥ ខែមីនា ឆ្នាំ២០២០ មន្រ្តីការិយាល័យផលិតកម្ម និងបសុព្យាបាល បានចុះតាមដាន សកម្មភាពជំងឺសត្វ នៅឃុំកំពង់សីលា ស្រុកកំពង់សីលា ខេត្តព្រះសីហនុ។ ជាលទ្ធផល ឃើញថាគ្មានជំងឺអ្វីកើតឡើងគួរកត់សម្គាល់ទេ ក្នុងខណៈពេលនេះដែរក៏បានសហការជាមួយភ្នាក់សុខភាពសត្វភូមិ ដើម្បីចាក់វ៉ាក់សាំងការពារជំងឺសារទឹកគោក្របី÷ ១.នៅភូមិក្រាំងអាត់ ចាក់បានគោចំនួន ៨០ក្បាល និងក្របីចំនួន ៤១ក្បាល។ ២.នៅភូមិវាល ចាក់បាន គោចំនួន ៧២ក្បាល និងក្របីចំនួន ៤៧ ក្បាល។ ៣ នៅភូមិ ចាំស្រី ចាក់បាន គោចំនួន ៤៥ក្បាល និងក្របីចំនួន ៧៧ក្បាល។ ក្នុងឱកាសនោះបានចែកជូននូវថ្នាំបាញ់សម្លាប់មេរោគដល់មេភូមិ ក្រាំងអាត់ និងមេភូមិចាំផងដែរ។