ថ្ងៃព្រហស្បតិ៍ ៤រោច ខែផល្គុន ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១២ ខែមីនា ឆ្នាំ២០២០ មន្រ្តីការិយាល័យផលិតកម្ម និងបសុព្យាបាល បានចុះត្រួតពិនិត្យសាច់ និងផលិតផលដែលមានដើមកំណើតពីសត្វ នៅតាមបណ្តាទីផ្សារក្នុងខេត្តព្រះសីហនុ ដើម្បីណែនាំពីការធ្វើអនាម័យសាច់សត្វ និងផលិតផលសត្វ ឱ្យមានសណ្តាប់ធ្នាប់ល្អក្នុងការលក់ដូរ។ ជាលទ្ធផលសាច់សត្វមានគុណភាពល្អ មានអនាម័យល្អ ជាសាច់សត្វដែលយកចេញពីសត្តឃាតដ្ឋាន ដែលបានបោះត្រាបញ្ជាក់ពីបសុពេទ្យបានត្រឹមត្រូវ។ ម្យ៉ាងទៀតបានតាមដានរកជនល្មើស នាំសាច់សត្វមកដោយខុសច្បាប់ផងដែរ តែមិនបទល្មើសណាមួយនោះទេ។