នៅថ្ងៃចន្ទ​ ៩កើត ខែផល្គុន ឆ្នាំកុរ​ ឯកស័ក ព.ស២៥៦៣ ត្រូវនឹង​ថ្ងៃទី​០២ ខែមីនា ឆ្នាំ២០២០​ លោក នេន ចំរើន​ ប្រធានមន្ទីរ​កសិកម្ម​ រុក្ខាប្រមាញ់ និងនេសាទ​ បានដឹកនាំមន្រ្តីចំនួន០៣នាក់ ដើម្បីចូលរួមពិធីសន្និបាតបូកសរុបលទ្ធផលការងារ​ឆ្នាំ២០១៩​ និងទិសដៅការងារឆ្នាំ២០២០ របស់រដ្ឋបាលខេត្តព្រះសីហនុ ក្រោមអធិបតីភាពដ៏ខ្ពង់ខ្ពស់ឯកឧត្តម ជាម ហ៊ីម​ប្រធានក្រុមប្រឹក្សាខេត្ត​ និង​ឯកឧត្តម គួច​ ចំរើន​ អភិបាល​ នៃគណ:អភិបាលខេត្តព្រះសីហនុ។ ក្នុងកិច្ចប្រជុំមានការអញ្ជើញចូលរួមពី ប្រធាន​ អនុប្រធាន​មន្ទីរ ឬតំណាងមន្ទីរ អង្គភាពចំណុះឲ្យខេត្ត​ សរុបចំនួន ១៩០នាក់ ក្នុងនោះស្រី៦៥នាក់​។