ថ្ងៃពុធ ៤កើត ខែផល្គុន ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៦ ខែកុម្ភៈ ឆ្នាំ២០២០ លោក ហ៊ាប ចាន់ណាន អនុប្រធានការិយាល័យផលិតកម្ម និងបសុព្យាបាល និងលោកស្រី ប៊ុន ផល្លីន អនុប្រធានការិយាល័យផលិតកម្ម និងបសុព្យាបាល បានចូលរួមសិក្ខាសាលា ស្ដីពី ការបូកសរុបចំណូល ចំណាយថវិកា និងលទ្ធផលនៃការអនុវត្តកម្មវិធីឆ្នាំ២០១៩ របស់អគ្គនាយកដ្ឋានសុខភាពសត្វ និងផលិតកម្មសត្វ នៅសណ្ឋាគារខេមរាអង្គរ ខេត្តសៀមរាប ក្រោមអធិបតីភាពលោក នូ វនិការ អគ្គនាយករង នៃអគ្គនាយកដ្ឋានសុខភាពសត្វ និងផលិតកម្មសត្វ រួមទាំងមានការចូលរួមពីលោក លោកស្រីប្រធាន អនុប្រធាន នាយកដ្ឋាន លោក លោកស្រី ប្រធាន អនុប្រធានការិយាល័យទាំង ២៥រាជធានីខេត្ត។