ថ្ងៃព្រហស្បតិ៍ ១២រោច ខែមាឃ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២០ ខែកុម្ភៈ ឆ្នាំ២០២០ លោកស្រី អុិន ម៉ានិត អនុប្រធានការិយាល័យនីតិកម្មកសិកម្ម សហការជាមួយមន្រ្តីរដ្ឋបាលស្រុកស្រឹងហាវ បានចុះត្រួតពិនិត្យដេប៉ូនៅឃុំទំនប់រលក ស្រុកស្ទឹងហាវ ខេត្តព្រះសីហនុ។ ជាលទ្ធផលបានចុះត្រួតពិនិត្យដេប៉ូចំនួន០១ ដេប៉ូ ឈ្មោះ សួន ស្រីមុំ លក់ចំណីសត្វ ដែលមានលិខិតអនុញ្ញាតធ្វើអាជីវកម្មត្រឹមត្រូវ តែជាលិខិតដែលមានរយៈពេលយូរហើយ ដូច្នេះក្រុមការងារបានណែនាំឱ្យធ្វើលិខិតអនុញ្ញាតថ្មីមួយទៀត។