ថ្ងៃចន្ទ ៩រោច ខែមាឃ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៧ ខែកុម្ភៈ ឆ្នាំ២០២០ លោក កែវ ចំរើន នាយករងផ្នែករដ្ឋបាលជលផលព្រៃនប់ និងលោក អ៊ុក សំអន នាយសង្កាត់រដ្ឋបាលជលផល (ស្តីទី) និងលោក កែវ ចំរើន នាយរងផ្នែករដ្ឋបាលជលផលព្រៃនប់ បានចុះពិនិត្យស្ថានភាពព្រៃកោងកាង នៅតាមទំនប់ប៉ុលឌ័រជើងគោ ជាលទ្ធផល៖ ក/នៅជាប់ក្បាលស្ពានត្រពាំងមូល មានជនខិលខូចលួចកាប់ព្រៃកោងកាងទំហំ ៥០×៣៥ ម៉ែត្រ ស្ថិតនៅភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ។ ខ/មានលួចដាំកូនដូងក្នុងព្រៃកោងកាងចំនួន ៥០ដើម ស្ថិតនៅភូមិត្រពាំងមូល ឃុំជើងគោ ស្រុកព្រៃនប់ ខេត្តព្រះសីហនុ(ចុះពីផ្លូវជាតិលេខ ៤ ចំណុចទ្វារទឹកទី១)។