ថ្ងៃសុក្រ ១៤កើត ខែមាឃ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៧ ខែកុម្ភៈ ឆ្នាំ២០២០ មន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ បានបើកកិច្ចប្រជុំស្តីពីវឌ្ឍភាពនៃការអនុវត្តសេចក្តីសម្រេចលេខ២៧ គជដព ស្តីពីការបង្កើតអនុគណៈកម្មាធិការ ខេត្តព្រះសីហនុ ដើម្បីទប់ស្កាត់ លុបបំបាត់ និងបង្រា្កប ការកាប់ ដុត ឈូសឆាយ និងហ៊ុមព័ទ្ធដីព្រៃឈើ ដើម្បីវាតយកដីធ្វើកម្មសិទ្ធិ ក្រោមអធិបតីភាពលោក គង់ វិតាណៈ អភិបាលរង នៃគណៈអភិបាលខេត្តព្រះសីហនុ និងមានការចូលរួមពីថ្នាក់ដឹកមន្ទីរ រួមទាំងថ្នាក់ដឹកនាំខណ្ឌរដ្ឋបាលព្រៃឈើព្រះសីហនុ និងអង្គភាពពាក់ព័ន្ធ។ ក្នុងអង្គប្រជុំបានពិភាក្សាយ៉ាងផុសផុល ដើម្បីយ៉ាងណាទប់ស្កាត់បទល្មើសព្រៃឈើ ក៏ដូចជាការុករានដីគម្របព្រៃឈើធ្វើជាកម្មសិទិ្ធ និងជាពិសេសលើការពង្រឹងនិតីវិធីច្បាប់។