ថ្ងៃសុក្រ ២រោច ខែមិគសិរ ឆ្នាំកុរ ឯកស័កព.ស២៥៦៣ ត្រូវនឹងថ្ងៃទី១៣ ខែធ្នូ ឆ្នាំ២០១៩ លោក តឹក ជីវ៉ាយ អនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ បានចូលរួមកិច្ចប្រជុំពិភាក្សា និងពិគ្រោះយោបល់លើកិច្ចសហការអន្តរាគមន៍លើការរុះរើកែសម្រួលបង្គោលបណ្ដាញអគ្គិសនី ទូរគមនាគមន៍ ទឹកស្អាត និងហេដ្ឋារចនាសម្ព័ន្ធ រូបបវន្តផ្សេងៗ ដែលសេវាករកំពុងធ្វើសេវាកម្មស្ថិតក្នុងដែនសមត្ថកិច្ចក្នុងខេត្តព្រះសីហនុនៃគម្រោងផ្លូវល្បឿនលឿនជាមួយនឹងក្រុមហ៊ុន PPSHV ក្រោមធិបតីភាព លោក ជា វិជ្ជ អភិបាលរងនៃគណៈអភិបាលខេត្តព្រះសីហនុ អ្នកចូលរួម មន្ទីរនិងអង្គភាពពាក់ព័ន្ធ និងតំណាងក្រុមហ៊ុនសាងសង់ផ្លូវល្បឿនលឿន។