ថ្ងៃសុក្រ ២រោច ខែមិគសិរ ឆ្នាំកុរ ឯកស័កព.ស២៥៦៣ ត្រូវនឹងថ្ងៃទី១៣ ខែធ្នូ ឆ្នាំ២០១៩ លោក ឯម ភា នាយរងខណ្ឌរដ្ឋបាលជលផលកំពង់សោមទទួលបន្ទុកក្តាប់រួម បានដឹកនាំមន្ត្រីខណ្ឌរដ្ឋបាលជលផលកំពង់សោម សហការជាមួយអាជ្ញាធរមូលដ្ឋាន ដើម្បីចុះពិនិត្យការជីកប្រឡាយនៅបឹងតាមោក ដែលមានទីតាំងស្ថិតនៅ ភូមិវាល ឃុំកំពង់សីលា ស្រុកកំពង់សីលា ខេត្តព្រះសីហនុ។ ជាលទ្ធផលឃើញថា មានការជីកប្រឡាយរំលោភដីចំណី បឹងតាមោកប្រមាណជា ២៥០ម៉ែត្រ ក្នុងករណីនេះក្រុមការងារបានឯកភាពគ្នាឲ្យមេធ្វើកិច្ចសន្យា តម្រូវឲ្យលុបប្រឡាយដែលបានជីករួចឲ្យដូចសភាពដើមវិញ។