ថ្ងៃអង្គារ ៨រោច ខែកត្ដិក ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៩ ខែវិច្ឆិការ ឆ្នាំ២០១៩ លោក ឈុន ថុល នាយរងផ្នែករដ្ឋបាលជលផលទំនប់រលក និងលោកជឹម ចំរើននាយសង្កាត់រដ្ឋបាលជលផលស្ទឹងហាវ(ស្តីទី) បានសហការជាមួយគណៈបញ្ជាការឯកភាពរដ្ឋបាលស្រុកស្ទឹងហាវ ដឹកនាំដោយអភិបាលរងស្រុកស្ទឹងហាវ ចុះពិនិត្យការសាងសង់ស្ពានមួយកន្លែងចូលក្នុងព្រែក ស្ថិតនៅភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុុ។ ជាលទ្ធផល៖ ក្រុមការងារ បានកំណត់មុខសញ្ញាម្ចាស់រួចហើយ ហើយកំណត់ទុករយៈពេលអោយរុះរើចេញដោយខ្លួនឯង ហើយបញ្ឈប់សកម្មសាងសង់បន្ត។