លោក នេន ចំរើន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ បានដឹកនាំមន្ត្រីការិយាល័យ និងខណ្ឌរដ្ឋបាលទាំងពីរ ដើម្បីបើកកិច្ចប្រជុំបូកសរុបលទ្ធផលការងារប្រចាំខែ វិច្ឆិកា និងទិសដៅអនុវត្តការងារសម្រាប់ខែ ធ្នូ ឆ្នាំ២០១៩។ ក្នុងកិច្ចប្រជុំបានពិភាក្សាយ៉ាងផុសផុល អំពីបញ្ហាប្រឈម សំណូមពរ និងការស្វែងរកដំណោះស្រាយ។ មួយវិញទៀតលោកបានឱ្យការិយាល័យក្សេត្រសាស្ត្ររៀបចំផែនការបន្ថែមលើការងារដាំដុះដំណាំបន្លែរបស់កសិករឱ្យស្របតាមតម្រូវការទីផ្សារ និងសិក្សាក្សេត្របរិស្ថានបន្ថែមទៀត ជាពិសេសការិយាល័យ និងខណ្ឌដែលអនុវត្តច្បាប់ ត្រូវពង្រឹងច្បាប់លើបទល្មើស រួមទាំងបន្តចុះល្បាត។ ក្នុងនោះផងដែរលោកសុំឱ្យខណ្ឌ និងការិយាល័យបន្តអនុវត្តទិសដៅការងាររបស់ខ្លួនឱ្យបានច្រើនបន្តទៀត។