ថ្ងៃពុធ ១១កើត ខែអស្សុជ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៩ ខែតុលា ឆ្នាំ២០១៩ លោក ឡាង សុគន្ធ នាយរងផ្នែករដ្ឋបាលព្រៃឈើស្ទឹងហាវទទួលបន្ទុករួម បានចូលរួម ក្នុងនិតិវិធីសាកសួរ ដំណើរឿងដែលពាក់ព័ន្ធ និងសំណុំរឿងព្រហ្មទណ្ឌលេខ ៣១៧អ.ក ចុះថ្ងៃទី១៩ ខែមីនា ឆ្នាំ២០១៩ នៅសាលាដំបូងខេត្តព្រះសីហនុ ពីបទកាប់រានព្រៃ ឈូសឆាយដីព្រៃហ៊ុមព័ទ្ធកាន់កាប់ដីព្រៃ ចំនួន ៧០ហិកតា នៅតំបន់ព្រៃភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ សូមជម្រាបជូនផងដែរ ទីតាំងខាងលើនេះ បច្ចុប្បន្ន មានការដុះព្រៃឡើងវិញ និងមិនមានការកាន់កាប់ដោយជនណានោះទេ។