នៅថ្ងៃព្រហស្បតិ៍ ៦រោច ខែភទ្របទ ឆ្នាំ កុរ ឯកស័ក ព.ស ២៥៦៣ ត្រូវនឹងថ្ងៃទី១៩ ខែកញ្ញា ឆ្នាំ២០១៩ លោកស្រី ហែម ផល្លា ប្រធានការិយាល័យផលិតកម្ម និងបសុព្យាបាល បានចូលរួមប្រជុំពិភាក្សាស្តីពី វិធានការទប់ស្កាត់ជំងឺប៉េស្តជ្រូកអាហ្វ្រិក និងស្ថិតិសត្វ ក្រោមអធិបតីភាពឯកឧត្តម តាន់ ផាន់ណារ៉ា ប្រតិភូរាជរដ្ឋាភិបាល ទទួលបន្ទុកអគ្គនាយក នៃអគ្គនាយកដ្ឋានសុខភាពសត្វ និងផលិតកម្មសត្វ។ កិច្ចប្រជុំគឺផ្តោតសំខាន់លើការរឹតបណ្តឹងការធ្វើចរាចរណ៍សត្វជ្រូក ពិសេសខេត្តជាប់ព្រំដែន ព្រោះប្រទេសថៃ និងវៀតណាមកំពុងមានផ្ទុះជម្ងឺនាពេលថ្មីៗនេះម្តងទៀត។