ថ្ងៃព្រហស្បតិ៍ ១៥កើត ខែស្រាពណ៍ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៥ ខែសីហា ឆ្នាំ២០១៩ លោក ហុក ឡាំង នាយរងខណ្ឌរដ្ឋបាលជលផលកំពង់សោម និងមន្ត្រីការិយាល័យកសិឧស្សាហកម្ម បានចូលរួមកិច្ចប្រជុំពិគ្រោះយោបល់អំពីរបាយការណ៍វាយតម្លៃហេតុផលប៉ះពាល់បរិស្ថាន និងសង្គមពេញលេញលើគម្រោងបង្កើតកសិដ្ឋានចិញ្ចឹមត្រីសមុទ្ររបស់ក្រុមហ៊ុនវីតាម៉ា លើផ្ទៃសមុទ្រទំហំ២៧០ហិចតា នៅតំបន់កោះរ៉ុង ខេត្តព្រះសីហនុ។ ប្រព្រឹត្តទៅនៅមន្ទីរបរិស្ថានខេត្តព្រះសីហនុ ក្រោមអធិបតីភាព ឯកឧត្តម ឈិន សេង ងួន អភិបាលរងនៃគណះអភិបាលខេត្តព្រះសីហនុ ដែលមានសមាជិកចូលរួម មកពីអង្គភាពពាក់ព័ន្ធក្នុងខេត្តព្រះសីហនុចំនួន ២៤នាក់។