ថ្ងៃចន្ទ ១២កើត ខែស្រាពណ៍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១២ ខែសីហា ឆ្នាំ២០១៩ លោក នេន ចំរើន ប្រធានមន្ទីរកសិកម្មខេត្តព្រះសីហនុ បានដឹកនាំមន្រី្តខណ្ឌរដ្ឋបាលជលផលកំពង់សោម ដើម្បីចូលរួមកិច្ចប្រជុំស្តីពី ការបង្កើតក្រុមការងារអន្តរក្រសួង ដើម្បីចុះកំណត់ដីព្រៃកោងកាងតំបន់ឆ្នេរព្រះរាជាណាចក្រកម្ពុជា នៅក្រសួងកសិកម្ម រុក្ខាប្រមាញ់ និងនេសាទ ក្រោមអធិបតីភាពឯកឧត្តម ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ។ កិច្ចប្រជុំមានការចូលរួមពីសំណាក់លោកប្រធានមន្ទីរ ឬតំណាង និងថ្នាក់ដឹកនាំខណ្ឌរដ្ឋបាលជលផល។