ថ្ងៃចន្ទ ១២កើត ខែស្រាពណ៍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១២ ខែសីហា ឆ្នាំ២០១៩ មន្ត្រីខណ្ឌរដ្ឋបាលជលផលកំពង់សោម បានចុះពិនិត្យក្រពើដែលប្រជាពលរដ្ឋចាប់បាននៅ សង្កាត់៣ ក្រុងព្រះសីហនុ ខេត្តព្រះសីហនុ។ ជាលទ្ធផល ក្រពើនេះជាប្រភេទក្រពើចិញ្ចឹម មានទំងន់ប្រហែលជាង ៥គីឡូក្រាម បណ្តាយខ្លួនប្រវែង ០.៦ម៉ែត្រ។ បើតាមការរៀបរាប់របស់លោកមេភូមិ បានបញ្ជាក់ថាប្រជាពលរដ្ឋនៅតំបន់ទីនេះ មិនមានអ្នកចិញ្ចឹមទេ។ ករណីនេះក្រុមការងារនឹងតាមដានរកប្រភពបន្តទៀត។