ថ្ងៃចន្ទ ៦រោច ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២២ ខែកក្កដា ឆ្នាំ២០១៩ ឯកឧត្តម សូ ខនឬទ្ធីគុណ អនុប្រធាន ក្រុមការងារថ្នាក់ជាតិចុះជួយស្រុកព្រៃនប់ អមដំណេីរដោយលោក នេន ចំរើនប្រធានមន្ទីកសិកម្ម រុក្ខាប្រមាញ់ និងនេសាទ ខេត្តព្រះសីហនុ និងលោកស្រីជាភរិយា លោកសរ កក្កដា អភិបាលនៃគណៈអភិបាលស្រុកព្រៃនប់ បានដឹកនាំក្រុមការងារ ដង្ហែរទានវស្សា និងនាំយកទយ្យទានប្រគេនព្រះសង្ឃគង់ចាំព្រះវស្សាចំនួន២វត្ត គឺវត្តសារាយអណ្តែត ក្នុងឃុំជើងគោ និងវត្តទួលកែវក្នុងឃុំទឹកល្អក់ ក្នុងស្រុកព្រៃនប់ ខេត្តព្រះសីហនុ។