ថ្ងៃព្រហស្បតិ៍ ១០កើត ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១១ ខែកក្កដា ឆ្នាំ២០១៩ លោក ឡាង សុគន្ធ នាយរងផ្នែករដ្ឋបាលព្រៃឈើស្ទឹងហាវទទួលបន្ទុករួម បានចូលរួមកិច្ចប្រជុំបូកសរុបតម្រូវការគម្រោងសកម្មភាព និងចាត់អាទិភាពនៅរដ្ឋបាលខេត្តព្រះសីហនុ ក្រោមអធិបតីភាពរបស់ ឯកឧត្តម ឈិន សេងងួន អភិបាលរងនៃគណៈអភិបាលខេត្ត។ ចំពោះសមាសភាពចូលរួម មកពីអង្គភាពពាក់ព័ន្ធសរុបចំនួន ៣៩នាក់។ គោលបំណងនៃកិច្ចប្រជុំនេះគឺ ដើម្បីពិនិត្យ និងពិភាក្សាបូកសរុបគម្រោងសកម្មភាពព្រមទាំងចាត់អាទិភាព។ ជាលទ្ធផលក្រោយកិច្ចប្រជុំសម្រេចបាន÷ -មន្ទីរកសិកម្ម ១គម្រោង -មន្ទីរសាធារណ:ការ ២គម្រោង -មន្ទីរធនធានទឹក ២គម្រោង -មន្ទីរអភិវឌ្ឍន៍ជនបទ ៨គម្រោង -មន្ទីរសង្គមកិច្ច ២គម្រោង -មន្ទីរវប្បធម៌ ២គម្រោង -មន្ទីរមុខងារសាធារណ: ៧គម្រោង -សាលាស្រុកស្ទឹងហាវ ៨គម្រោង -រដ្ឋបាលស្រុកព្រៃនប់ ៧គម្រោង -រដ្ឋបាលស្រុកកំពង់សីលា ១១គម្រោង -រដ្ឋបាលក្រុងព្រះសីហនុ ៦គម្រោង