ថ្ងៃសៅរ៍ ៦កើត ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី៨ ខែមិថុនា ឆ្នាំ២០១៩ លោក កឹម អាន នាយរងខណ្ឌរដ្ឋបាលជលផលកំពង់សោម លោក ឈុន ថុល នាយរងផ្នែករដ្ឋបាលជលផលទំនប់រលក និងលោក ញ៉ុញ អ៊ុក នាយសង្កាត់រដ្ឋបាលជលផលមិត្តភាព បានចូលរួមបិទ និងចែកប័ណ្ណផ្សព្វផ្សាយស្តីពីសត្វកំពុងរងគ្រោះថ្នាក់ដូចជា សេះសមុទ្រ អណ្តើកសមុទ្រ និងសត្វផ្សេងៗទៀត។ ក្នុងសកម្មភាពនៅមានការចូលរួមពីសំណាក់កងរាជអាវុធហត្ថ អាជ្ញាធរមូលដ្ឋាន លោកគ្រូ អ្នកគ្រូ និងសិស្សានុសិស្សជាច្រើននាក់ សម្រាប់ធ្វើការងារផ្សព្វផ្សាយបន្តអំពីបញ្ហានេះ។