នៅព្រឹកថ្ងៃអង្គារ ៤រោច ខែចែត្រ ឆ្នាំកុរ ឯកស័ក ព.ស២៥៦២ ត្រូវ​នឹងថ្ងៃទី ២៣ ខែមេសា ឆ្នាំ២០១៩ លោក តឹក ជីវ៉ាយ អនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ បានចូលរួមប្រជុំពិគ្រោះយោបល់រវាងរដ្ឋបាលខេត្តព្រះសីហនុ និងសមាគមន អង្គការ ព្រមទាំងធ្វើបច្ចុប្បន្នភាពបញ្ជីឈ្មោះសមាគម និងអង្គការមិនមែនរដ្ឋភិបាល និងសហគមន៍នានា ក្នុងខេត្តព្រះសីហនុ នៅរដ្ឋបាលខេត្តព្រះសីហនុ។ ពិធីនេះធ្វើឡើងក្រោមអធិបតីភាពលោក ជាវ វិជ្ជាក់ អភិបាលរងនៃគណៈអភិបាលខេត្តព្រះសីហនុ ព្រមទាំងមានការចូលរួមពីរ ប្រធាន និងអនុប្រធានមន្ទីរអង្គភាពជុំវិញខេត្ត ប្រធានអង្គការសង្គមស៊ីវិល សមាគម សហគមន៍ ដែលដំណើរការក្នុងខេត្តព្រះសីហនុ។