ថ្ងៃសុក្រ ០២រោច​ ខែផល្គុន ឆ្នាំច​ សំរឹទ្ធិស័ក​ ព.ស២៥៦២​ ​ត្រូវនឹងថ្ងៃទី២២ ខែមីនា ឆ្នាំ២០១៩​ មន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ បានរៀបចំកិច្ចប្រជុំបូកសរុបលទ្ធផលការងាររបស់មន្ទីរកសិកម្ម​​ រុក្ខាប្រមាញ់​ និងនេសាទ​ ខេត្តព្រះសីហនុ​ ឆ្នាំ២០១៨ និងលេីកទិសដៅការងារ ឆ្នាំ២០១៩ និងប្រកាសតែងតាំង​ និងចូលកាន់មុខតំណែងរបស់មន្ត្រីរាជការ នៃមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ​ ក្រោមអធិបតីភាព ឯកឧត្តម សូ ជុងហូរ សមាជិកក្រុមប្រឹក្សាខេត្តព្រះសីហនុ​ លោក លៀម សុដា អភិបាលរងនៃគណៈអភិបាលខេត្តព្រះសីហនុ លោក នេន ចំរេីន ប្រធានមន្ទីរកសិកម្ម រុក្ខាប្រមាញ់និងនេសាទ ខេត្តព្រះសីហនុ​ នៅសាលប្រជំុធំនៃមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ​។ ចំពោះការចូលកាន់ដំណែងថ្មីរបស់មន្រ្តីរាជការមាន ២រូប÷ ១. លោក តឹក ជីវ៉ាយ ជាអនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ ២. លោក សំ សឿន ជានាយផ្នែករដ្ឋបាលព្រៃឈើស្រុកព្រៃនប់ ខេត្តព្រះសីហនុ។ ក្នុងពិធីទាំងមូលមានការចូលរួមពីលោកនាយ នាយរងខណ្ឌរដ្ឋបាលព្រៃឈេីក្រុងព្រះសីហនុ លោកនាយ នាយរងខណ្ឌរដ្ឋបាលជលផលកំពង់សោម លោកស្រីប្រធាន អនុប្រធាន និងមន្ត្រីនៃមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុទាំងអស់។