ថ្ងៃអង្គារ ១៤កើត ខែផល្គុន ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៩ ខែមីនា ឆ្នាំ២០១៩ លោក យស់ ចន្ថាណា អនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ បានចូលរួមធ្វើកិច្ចពិភាក្សាស្តីពីគម្រោងសាងសង់អាងប្រព្រឹត្តកម្មសម្អាតទឹកកខ្វក់ និងប្រព័ន្ធប្រមូលទឹកកខ្វក់ ក្នុងក្រុងព្រះសីហនុ ជាមួយអង្គការ Key Consultants Cambodia។ កិច្ចពិភាក្សានេះធ្វើនៅមន្ទីរកសិកម្ម រុក្ខាប្រមាញ់ និងនេសាទ។ យោងតាមប្រធានបទរបស់គម្រោង លោក គាំទ្រមួយរយភាគរយ រួមទាំងផ្តល់យោបល់ជាច្រើនអំពីយន្តការដែលអង្គការគួរតែធ្វើ ជាពិសេសផលប៉ះពាល់ដែលនឹងកើតក្នុងបរិស្ថាន និងចំពោះប្រជាពលរដ្ឋ។ តួយ៉ាងលោកសុំឱ្យអង្គការនៅតែបន្តនិរន្តភាពរបស់គម្រោងដើម្បីជាប្រយោជន៍ដល់ប្រជាពលរដ្ឋនៅក្នុងក្រុងព្រះសីហនុទាំងមូល។