ថ្ងៃអង្គារ ៧កើត ខែផល្គុន ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១២ ខែមីនា ឆ្នាំ២០១៩ លោក នេន ចំរើន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ បានចូលរួមប្រជុំគណៈបញ្ជាការឯកភាពខេត្ត ដើម្បីរិះរកវិធីទប់ស្កាត់ភាពអនាធិបតេយ្យចូលកាន់កាប់ដីរដ្ឋ និងដីឯកជន ដែលប្រព្រឹត្តទៅនៅរដ្ឋបាលខេត្តព្រះសីហនុ។ កិច្ចប្រជុំធ្វើឡើងក្រោមអធិបតីភាព ឯកឧត្តម យន្ត មីន អភិបាលខេត្តនៃគណៈអភិបាលខេត្តព្រះសីហនុ និងជាប្រធានគណៈបញ្ជាការឯកភាពខេត្ត និងមានការចូលរួមពី លោកព្រះរាជអាជ្ញា អភិបាលក្រុង ស្រុក ព្រមទាំង កងកំលាំង និងមន្ទីរអង្គភាពពាក់ព័ន្ធ។