ថ្ងៃសុក្រ ១០រោច ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០១ ខែមីនា ឆ្នាំ២០១៩ មន្រ្តីការិយាល័យផលិតកម្ម និងបសុព្យាបាល ០១រូបបានចូលរួមវគ្គបណ្តុះបណ្តាលស្តីពី ការវះកាត់ ការធ្វើរោគវិនិច្ឆ័យ និងការយល់ដឹងអំពីជំងឺឈាមខ្មៅលើសត្វ។ វគ្គបណ្តុះបណ្តាលនេះធ្វើឡើងនៅអគ្គនាយកដ្ឋានសុខភាពសត្វ និងផលិតកម្មសត្វ ដែលមានរយៈពេល ៥ថ្ងៃគឺចាប់តាំងពីថ្ងៃទី២៥ ខែកុម្ភៈ ដល់ថ្ងៃទី០១ ខែមីនា ឆ្នាំ២០១៩។ ក្នុងវគ្គបណ្តុះបណ្តាលបានធ្វើការអនុវត្តវះកាត់សត្វដើម្បីបង្ហាញដល់សិក្ខាកាមអំពីស្ថានភាពជម្ងឺ និងរោគសញ្ញានៃជម្ងឺដល់សិក្ខាកាមផ្ទាល់តែម្តង។