ថ្ងៃពុធ ៩កើត ខែមាឃ ឆ្នាំ​ច​ សំរឹទ្ធិស័ក ព.ស២៥៦២ ត្រូវនឹងថ្ងៃទី១៣ ខែកុម្ភៈ​ ឆ្នាំ២០១៩ លោក នុត រ៉ា ប្រធានការិយាល័យនីតិកម្មកសិកម្មបានចុះត្រួតពិនិត្យដេប៉ូលក់សម្ភារៈកសិកម្ម៣កន្លែងនៅក្នុងស្រុកព្រៃនប់ ខេត្ត្តព្រះសីហនុ។ ជាលទ្ធផលមានដូចខាងក្រោម÷ ១.ដេប៉ូ ម៉ៃ មិន លក់ជីកសិកម្ម ថ្នាំកសិកម្ម និងសម្ភារៈកសិកម្មនៅឃុំវាលរេញ ស្រុកព្រៃនប់ មានលិខិតអនុញ្ញាតធ្វើអាជីវកម្មបានត្រឹមត្រូវ។ ២.ដេប៉ូ ទេព្យ ស្រីមុំ លក់ចំណីសត្វ និងបសុឱសថនៅឃុំវាលរេញ ស្រុកព្រៃនប់ លិខិតអនុញ្ញាតធ្វើអាជីវកម្មរបស់គាត់ផុតសុពលភាព មន្ត្រីការិយាល័យនីតិកម្មបានណែនាំឱ្យទៅធ្វើលិខិតអនុញ្ញាតថ្មីមួយទៀតនៅសាលាស្រុកព្រៃនប់។ ៣. ដេប៉ូ តុន គីណាំ លក់បំណែកពូជដំណាំ នៅឃុំអូរឧកញ៉ាហេង ស្រុកព្រៃនប់ មិនលិខិតអនុញ្ញាតធ្វើអាជីវកម្ម តែគាត់កំពុងតែធ្វើលិខិតអនុញ្ញាតធ្វើអាជីវកម្ម។