ថ្ងៃអង្គារ ៨កើត ខែមាឃ ឆ្នាំច​សំរិទ្ធ​ស័ក ព​.ស២៥៦២ ត្រូវ​នឹងថ្ងៃទី១២ ខែកុម្ភៈ ឆ្នាំ២០១៩ លោក តឹក ជីវ៉ាយ ប្រធានការិ​យាល័យក្សេត្រសាស្ត្រ​ និងផលិតភាពកសិកម្មបានចូលរួមបូកសរុបវឌ្ឍនភាពសកម្មភាពមីន និងសំណល់ជាតិផ្ទុះពីសង្គ្រាម ឆ្នាំ២០១៨ និងទិសដៅភារកិច្ចបន្ត ដែលប្រព្រឹត្តទៅនៅរដ្ឋបាលខេត្តព្រះសីហនុ កិច្ចប្រជុំធ្វើឡើងក្រោមអធិបតីភាពរបស់លោក គង់ វិតាណៈ អភិបាលរងនៃគណៈអភិបាលខេត្តព្រះសីហនុ។ អ្នកដែលអញ្ជើញចូលរួមមានប្រធាន ឬតំណាងមន្ទីរអង្គភាព មន្ត្រីប៉ូលិសនគបាល ប្រធានក្រុមប្រឹក្សាក្រុងស្រុក និងអង្គការសង្គមស៊ីវិល។