ថ្ងៃអង្គារ ០៩រោច ខែបុស្ស ឆ្នាំច សំំរឹទ្ធិស័ក ព.ស២៥៦២ ត្រូវនឹងថ្ងៃទី២៩ ខែមករា ឆ្នាំ២០១៩ លោកស្រី ហែម ផល្លា ប្រធានការិយាល័យផលិតកម្ម និងបសុព្យាបាល បានចូលរួមសិក្ខាសាលាស្តីពី និតិវិធីនៃការអនុវត្តថវិកាតាមកម្មវិធី និងយុទ្ធសាស្រ្តនៃការគៀងគរចំណូល របស់វិស័យសុខភាពសត្វ និងផលិតកម្មសត្វ ដែលប្រពឹត្តទៅនៅខេត្តកំពត។ អង្គសិក្ខាសាលាធ្វើឡើងក្រោមអធិបតីភាពរបស់ លោក នូ យុត្តិកា អគ្គនាយករង នៃអគ្គនាយកដ្ឋាន សុខភាពសត្វ និងផលិតកម្មសត្វ។ ដែលមានអ្នកអញ្ជើញចូលរួមចំនួន៨១នាក់ ក្នុងនោះស្ត្រី ២០នាក់ នៃមន្ទីរកសិកម្ម រុក្ខាប្រមាញ់ និងនេសាទទាំង២៥រាជធានី~ខេត្ត។