ថ្ងៃពុធ ០៤កើត ខែបុស្ស ឆ្នាំច សំំរឹទ្ធិស័ក ព.ស២៥៦២ ត្រូវនឹងថ្ងៃទី០៩ ខែមករា ឆ្នាំ២០១៩ លោក យស់ ចន្ថាណា អនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ បានដឹកនាំលោក ឌី សុខុម នាយខណ្ឌរដ្ឋបាលព្រៃឈើ និងនាយរងខណ្ឌរដ្ឋបាលព្រៃឈើ ដើម្បីចូលរួមប្រជុំស្តីពីការត្រៀមនីតិវិធីបន្តរបស់គណ:កម្មការសម្របសម្រួលវាស់វែងបែងចែកដីជូនប្រជាពលរដ្ឋដែលកំពុងរស់នៅជាក់ស្តែងក្នុងតំបន់ប្រើប្រាស់ច្រើនយ៉ាងក្បាលឆាយ នាសាលប្រជុំរដ្ឋបាលខេត្តព្រះសីហនុ។ ក្នុងប្រជុំនេះធ្វើឡើងក្រោមអធិបតីភាពលោក ស៊្រុន ស៊្រន់ អភិបាលរងខេត្តព្រះសីហនុ។ ដោយមានការអញ្ជើញចូលរួមពីមន្ទីរអង្គភាពជុំវិញខេត្ត។