ថ្ងៃព្រហស្បតិ៍០៥រោច ខែមិគសិរ ឆ្នាំចសំរឹទ្ធិស័ក ព.ស ២៥៦២ ត្រូវនឹងថ្ងៃទី២៧ ខែធ្នូ ឆ្នាំ ២០១៨ លោក ម៉ី សុផាន់ មន្ត្រីទទួលបន្ទុកការិយាល័យកៅស៊ូ និងមន្ត្រីចំនួន០១រូប បានចុះពិនិត្យស្ថានភាពកៅស៊ូ និងដំណើរការកែច្នៃកៅស៊ូពាក់កណ្តាលសម្រេច របស់ក្រុមហ៊ុនចំការកៅស៊ូ របស់លោកឧកញ៉ា ម៉ុង ឫទ្ធី ដែលមានទីតាំងស្ថិតនៅឃុំកែវផុស ស្រុកស្ទឹងហាវ ខេត្តព្រះសីហនុ ជាលទ្ធផលដំណាំកៅស៊ូ និងដំណើរការនៃការកែច្នៃជ័រកៅស៊ូមានលក្ខណៈល្អប្រសើរ តាមបច្ចេកទេសត្រឹមត្រូវពីសំណាក់អ្នកជំនាញខាងកៅស៊ូប្រចាំការនៅក្រុមហ៊ុននោះ ។