ថ្ងៃសៅរ៍ ១៥កើត ខែមិគសិរ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២២ ខែធ្នូ ឆ្នាំ២០១៨ ថ្នាក់ដឹកនាំមន្ទីរ និងមន្ត្រីរាជការនៃមន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ បានអមដំណើរ ឯកឧត្តម យន្ត មីន អភិបាលនៃគណៈអភិបាលខេត្តព្រះសីហនុដើម្បី៖ ១. ចុះជួបសំណេះសំណាលកសិករដាំបន្លែ នៅភូមិសំរុងក្រោម ឃុំសំរុង ស្រុកព្រៃនប់ ខេត្តព្រះសីហនុ ដែលមានកសិករចូលរួមសរុប៣០នាក់។ ២.ចុះពិនិត្យមេីលវឌ្ឍនភាព និងគម្រោងអភិវឌ្ឍន៍ស្ថានីយ៍កសិកម្ម ស្រុកព្រៃនប់ ខេត្តព្រះសីហនុ ។ ៣.ចុះពិនិត្យទីតាំងចិញ្ចឹមបង្គារនៅក្នុងឃុំអូរឧញ្ញ៉ាហេង ស្រុកព្រៃនប់ ខេត្តព្រះសីហនុ ។ * ជាលទ្ធផលសម្រេចបាន ឯកឧត្តមអភិបាល នៃគណៈអភិបាលខេត្តព្រះសីហនុបានផ្ដល់អនុសាសន៍សំខាន់ៗដែលមានខ្លឹមសារដូចខាងក្រោម - ជម្រុញបង្កើនការដាំដុះបន្លែក្នុងគ្រួសារដើម្បីកាត់បន្ថយការចំណាយ និងលើកកំពស់សេដ្ឋកិច្ចគ្រួសារ ។ - ជម្រុញបង្កើនការចិញ្ចឹមសត្វ ។ - ជម្រុញអោយស្ថានីយប្រឹងប្រែងការសិក្សាស្រាវជ្រាវរកបច្ចេកទេសកសិកម្មថ្មី ដេីម្បីយកទៅផ្សព្វផ្សាយ និងចែករំលែកដល់កសិករ ក្នុងខេត្តព្រះសីហនុ ។ - មន្ត្រីជំនាញត្រូវការសហការល្អជាមួយកសិករ និងអាជ្ញាធរមូលដ្ឋានក្នុងការអនុវត្តន៍ការងារកសិកម្ម។ -ក្នុងនោះដែរតម្លៃកសិផលដែលកសិករបានដាំដុះយកទៅលក់នៅផ្សារវាលរេញបានទទួលតម្លៃដូចខាងក្រោម ននោង ១kg=៣០០០រៀល ទៅ៣៥០០រៀល ត្រប់ ១kg=៣០០០រៀល ត្រកួន ១kg=៤០០០រៀល
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម