ថ្ងៃពុធ ៥កើត ខែមិគសិរ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១២ ខែធ្នូ ឆ្នាំ២០១៨ ក្រុមមន្ត្រីទទួលបន្ទុកគេហទំព័ររបស់មន្ទីរកសិកម្ម រុក្ខាប្រមាញ់ និងនេសាទ ខេត្តព្រះសីហនុ ចំនួន ៣រូប បានចូលរួមការវគ្គសិក្ខាសាលាស្តីពីការប្រើប្រាស់ប្រព័ន្ធបច្ចេកវិទ្យាក្នុងវិស័យកសិកម្ម រយៈពេល៣ថ្ងៃ ក្រោមអធិបតីភាព លោក ញាណ ចូច អនុប្រធានមជ្ឈមណ្ឌលព័ត៌មាន និងឯកសារកសិកម្ម ដែលប្រព្រឹត្តនៅ សណ្ឋាគារឌីយ៉ាម៉ង់ ខេត្តកំពត ដែលមានអ្នកអញ្ជើញចូលរួមមកពី៧ រាជធានី ខេត្ត។ វគ្គបណ្តុះបណ្តាលនេះ ធ្វើឡើងក្នុងគោលបំណងដើម្បីពង្រឹងសមត្ថភាពរបស់មន្រ្តីគេហទំព័រ ក្នុងការប្រើប្រាស់ website និងការគ្រប់គ្រងលើប្រព័ន្ធកុំព្យូទ័រ។