នៅថ្ងៃចន្ទ ១២កើត ខែកត្តិក ឆ្នាំច​ សំរិទ្ធស័ក ព​.ស ២៥៦២ ត្រូវ​នឹងថ្ងៃទី១៩ ខែវិច្ឆិកា ឆ្នាំ២០១៨​ លោក ជុំ ច័ន្ទថុល អនុប្រធានមន្ទីរ​កសិកម្ម រុក្ខាប្រមាញ់និងនេសាទ ខេត្តព្រះសីហនុ បានដឹកនាំ ប្រធានការិយាល័យចំនួន ២រូប និងនាយរងខណ្ឌរដ្ឋបាលព្រៃឈើ ១រូប ដើម្បីចូលរួមវេទិកា​ផ្សព្វផ្សាយ និងពិគ្រោះយោបល់ របស់ក្រុមប្រឹក្សាខេត្តព្រះសីហនុ អាណត្តិទី២ នៅស្រុកកំពង់សីលា វេទិកានេះធើ្វក្រោមអធិបតីភាព ១.ឯកឧត្តម ប្រាក់ ស៊ីហារ៉ា សមាជិកក្រុម​ប្រឹក្សា​ខេត្តព្រះសីហនុ​ ២.ឯកឧត្តម ឈិន សេងងួន អភិបាលរង​ខេត្តព្រះសីហនុ​ ហើយអ្នកចូលរួមអញ្ជើញមកពីតំណាងមន្ទីរ អង្គភាព​ជុំវិញ​ខេត្ត និងតំណាងប្រជាពលរដ្ឋ​ក្នុងស្រុក​កំពង់សីលា ក្រោមប្រធានបទចំនួន៥គឺ÷ ១.ការងារសន្តិសុខ​ សណ្តាប់ធ្នាប់ ២.ការទប់ស្កាត់ការកាប់ទន្ទ្រានដីរដ្ឋ ៣.ការពារបរិស្ថាន ការគ្រប់គ្រងសំណល់រឹងរាវ និងប្រព័ន្ធបង្ហូរទឹកកង្វក់ ៤.ការអភិវឌ្ឍន៍មូលដ្ឋាន៣ឆ្នាំរំកិល ៥.ការផ្តល់​សេវាសារណៈថ្នាក់ក្រោមជាតិ