ថ្ងៃសុក្រ ១កើត ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០១ ខែវិច្ឆិកា ឆ្នាំ២០២៤ លោក ពៅ សីលា អនុការិយាល័យរដ្ឋបាល និងបុគ្គលិក លោក ទុំ ពុទ្ធា នាយរងផ្នែករដ្ឋបាលជលផលព្រៃនប់ លោកស្រី សេង រ៉ាវីន មន្រ្តីខណ្ឌរដ្ឋបាលជលផលកំពង់សោម លោក សាម សុផានិត មន្រ្តីការិយាល័យរដ្ឋបាល និងបុគ្គលិក បានចូលរួមវគ្គបណ្ដុះបណ្ដាលស្ដីពី ការអនុវត្តប្រព័ន្ធគ្រប់គ្រងផ្អែកលើសមិទ្ធកម្ម និងប្រើប្រាស់ប្រព័ន្ធគ្រប់គ្រងធនធានមនុស្ស តាមប្រព័ន្ធ HRMIS នៅសណ្ឋាគារសង្គហមិត្ត ខេត្តកែប ក្រោមអធិបតីភាពពីសំណាក់ឯកឧត្តម ទី ចាន់ណា ប្រធាននាយកដ្ឋានបុគ្គលិក និងអភិវឌ្ឍន៍ធនធានមនុស្ស នៃក្រសួងកសិកម្ម រុក្ខាប្រមាញ់ និងនេសាទ និងមានសមាសភាពចូលរួមពីសំណាក់មន្រ្តីនៃមន្ទីរកសិកម្ម រុក្ខាប្រមាញ់ និងនេសាទចំនួន ១២ខេត្តសរុបចំនួន ៥៥រូប ក្នុងនេះស្រ្តីមានចំនួន ១១រូប។