ថ្ងៃសុក្រ ៣កើត ខែពិសាខ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី១០ ខែឧសភា ឆ្នាំ២០២៤ លោក តឹក ជីវ៉ាយ អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ លោក ស៊ុម សុខា ទីប្រឹក្សាសម្របសម្រួលកម្មវិធីAspire-AT និងលោក គីវ ចាន់មករា ប្រធានការិយាល័យអភិវឌ្ឍន៍សហគមន៍កសិកម្ម ដឹកនាំក្រុមការងារ ចុះប្រជុំផ្សព្វផ្សាយគោលគំនិត អង្កេតទស្សនៈសហគមន៍កសិកម្ម និងច្បាប់សហគមន៍កសិកម្ម របស់កម្មវិធីគាំទ្រសេដ្ឋកិច្ចជនបទ និងពាណិជ្ជកម្មផលិតកម្មជនបទ (Aspire-AT) ខេត្តព្រះសីហនុ នៅឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ក្រោមអធិបតីភាពលោក អ៉ី ធារិន អភិបាលនៃគណៈអភិបាលស្រុកព្រៃនប់ ដោយមានការចូលរួមពីអាជ្ញាធរឃុំ ភូមិ និងកសិករចំនួន ១៥០នាក់ ក្នុងស្រ្តី ៨៩នាក់។