ចេញផ្សាយ ០៣ កុម្ភៈ ២០២៤
42
ថ្ងៃសុក្រ ៨រោច ខែបុស្ស ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០២ ខែកុម្ភៈ ឆ្នាំ២០២៤
មន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ បានរៀបចំពិធីបិទកិច្ចប្រជុំបូកសរុបលទ្ធផលការងារឆ្នាំ២០២៣ និងលើកទិសដៅអនុវត្តការងារឆ្នាំ២០២៤ ក្រោមអធិបតីភាពឯកឧត្តម ឡោ រស្មី និងលោកជំទាវ ហ៊ូ សុពណ៌ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងលោក គង់ វិតាណៈ អភិបាលរងនៃគណៈអភិបាលខេត្តព្រះសីហនុ នៅសាលាប្រជុំនៃមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ ដោយមានការចូលរួមពីថ្នាក់ដឹកនាំមន្ទីរកសិកម្ម រុក្ខាប្រមាញ់ និងនេសាទខេត្ត លោកនាយ នាយរងខណ្ឌ ផ្នែក សង្កាត់ នៃខណ្ឌរដ្ឋបាលព្រៃឈើព្រះសីហនុ និងជលផលកំពង់សោម រួមទាំងលោក លោកស្រីប្រធាន អនុប្រធាន និងមន្ត្រីការិយាល័យជំនាញ ទីប្រឹក្សាអង្គការFAO ទីប្រឹក្សាសម្របសម្រួលកម្មវិធីAspire-AT និងថ្នាក់ដឹកនាំមកពីសហគមន៍កសិកម្មទាំង ៧សហគមន៍។
