ថ្ងៃសុក្រ ៩កើត ខែបុស្ស ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៩ ខែមករា ឆ្នាំ២០២៤ លោក ឈុន ថុល នាយផ្នែករដ្ឋបាលជលផលទំនប់រលក និងលោក ញ៉ែម វណ្ណា នាយរងផ្នែករដ្ឋបាលជលផលទំនប់រលក បានចូលរួមកិច្ចប្រជុំបូកសរុបលទ្ធផលការងារប្រចាំឆ្នាំ២០២៣ និងលើកទិសដៅការងារឆ្នាំ២០២៤ របស់សហគមន៍នេសាទដើមថ្កូវ ព្រែកស្វាយ និងកោះរ៉ុងសន្លឹម ក្នុងក្រុងកោះរ៉ុង។ កិច្ចប្រជុំមានការអញ្ចើញចូលរួមពីមន្រ្តីនាយកដ្ឋានអភិរក្សជលផល មន្ត្រីនាយកដ្ឋាន អភិវឌ្ឍន៍សហគមន៍នេសាទ នៃរដ្ឋបាលជលផល មន្រ្តីឧទ្យានជាតិសមុទ្រកោះរ៉ុង អាជ្ញាធរមូលដ្ឋានភូមិដើមថ្កូវ និងសង្កាត់កោះរ៉ុង ភូមិកោះរ៉ុងសន្លឹម និងសង្កាត់កោះរ៉ុងសន្លឹម និងគណៈកម្មការសហគមន៍ នេសាទទាំង ៣សហគមន៍ ក្នុងក្រុងកោះរ៉ុងចូលរួមផងដែរ។