ថ្ងៃសុក្រ ១០រោច ខែមិគសិរ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២២ ខែធ្នូ ឆ្នាំ២០២៣ លោក នេន ចំរើន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ បានដឹកនំាមន្រ្តីជំនាញជលផល អមដំណើរឯកឧត្តម គង់ ចន្ទ័វាសនា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងលោកជំទាវ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ចូលរួមក្នុងការចុះចែកពូជកូនត្រីឆ្ពង់ ចំនួន ៥០០០កូន ដល់វារីវប្បករឈ្មោះ លោក ធឿន សុខជា ស្ថិតនៅភូមិ៣ ឃុំអូរត្រេះ ស្រុកស្ទឹងហាវ ខេត្តព្រះសីហនុ ដោយមានការចូលរួមពីអភិបាលរងស្រុកស្ទឹងហាវ លោកនាយករដ្ឋបាលស្រុកស្ទឹងហាវ លោកប្រធានមជ្ឍមណ្ឌលអភិវឌ្ឍន៍វារីវប្បកម្មសមុទ្រ និងមន្ត្រី ព្រមទាំងបងប្អូនវារីវប្បករ។